Kadiwa Public Market
Ika 14 ng Pebrero 2011
Hudyat ng pagsisimula:
Tawag sa Pagsamba
Tagapanguna: Halina’t sumama sa Diyos na buhay,
Halina’t makiisa sa mga dukha at salat.
Halina’t sumama sa pagkilos tungo sa ganap na kalayaan. Halina’t labanan ang anumang di sang – ayon sa kalooban ng Diyos. Halina’t sumama sa Diyos na buhay, ang Diyos ma kasama natin sa pakikibaka.
Awit ng Papuri at Pagpupunyagi
“Sumasaakin ang Espiritu”
Koro: Sumasaakin ang Espiritu ng Panginoon
Ako’y hinrirang niya upang tumugon
Sa daing ng mga aba, at ihatid sa mga dukha
Ang magandang balita ng kaligtasan.
Singugo ako upang ipahayag, ang kalayaan sa mga bihag
Bigyang paningin ang mga bulag
Dalhin ang nasa dilim sa may liwanag.
Ang inaapi at ang sinisiil, ay hahanguhin sa mga hilahil
At ipapahayag ang pagsapit ngayon
Ang tanging pagliligtas ng Panginoon.
Panalangin ng Bayan
Tugon: Dalangin namin, O Diyos ay dinggin
Kapayapaan mo’y aming tanggapin. Amen
Litany para sa Kapayapaan, Katarungan at Kalayaan
Reader 1: Sa araw na ito, ating kinukundina ang di makatarungang pagdemolis sa mga kapatid nating nasa south wing ng Kadiwa na kung saan nilabag ng pamahalaang lungsod ng Dasmarinas ang karapatan ng mga mamamayan na makapaghanapbuhay para may makain at panustos sa pang – araw na pangangailangan ng mga ito.
Tugon: Dalangin naming, O Diyos ay dinggin
Kapayapaan mo’y aming tanggapin. Amen
Reader 2: Sa araw na ito, ating kinukundina sa pagsusulong ng pamahalaang lungsod ng sarili nitong hangarin para sa kapakanan ng iilan, ang pagpapahintulot sa land used conversion, pagtatatag ng economic zone kung saan marami sa mga dukha ang lalo pang nagiging dukha at ang mga mayaman na lalo pang yumayaman, marami ang nawawalan ng kabuhayan at lupain. Lubos nating kinukundina ang malaking agwat sa pagitan ng mayaman at mahirap.
Tugon: Dalangin naming, O Diyos ay dinggin
Kapayapaan mo’y aming tanggapin. Amen
Reader 3: Sa araw na ito, ating kinukundina ang patuloy na di makatotohanan ang Panagako ng Pangulo, sapagkat kailanman hindi ramdam ng mga maralita ang pag – unlad sa ating bansa.
Tugon: Dalangin naming, O Diyos ay dinggin
Kapayapaan mo’y aming tanggapin. Amen
Reader 4: Sa araw na ito, tayo ay nagsama – sama sapagkat nananalig tayo sa katarungan at katotohanan, at sa gitna ng kawalan ng katarungan, walang kapayapaan, pang – aalipin, pang – aapi, kasinungalingan, diringgin tayo ng Diyos na siya nating sandigan, ating pag –asa na siyang magbabangon tungo sa buhay na ganap.
Tugon: Dalangin naming, O Diyos ay dinggin
Kapayapaan mo’y aming tanggapin. Amen
PANANALITA MULA: SA IBA’T – IBANG SECTOR
MUSLIM
ROMAN CATHOLIC
PROTESTANT
Awit: AWIT NG PAG – ASA
Kahit kay haba ng lalakbayin daang tag – araw man ang humagupit. Kahit ilang libong tag – ulan ang sumapit, hinding – hindi tayo titigil, Dahil mithi nait’y palayain bawat isa sa pag - aalipin, Sa gitna man ng gutom, kahirapan, pasakit
Hinding hindi tayo susuko.
Kahit na may bagyo, kahit na may unos
Kahit na may libo – libong kaaway
Kahit na magapi at isa ang matira
Sa ating dakilang hanay
Tayong manggagawa at magsasaka
Sambayanan ay muling babangon
Ipagtatagumpay ang bawat labanan
Sa buong daigdig (ulitin)
PANALANGIN PARA SA MAMAYAN NG KADIWA
PAGPAPALA AT PAGHAYO:
Tagapanguna: Si Cristo ay pumarito sa mundo upang maglingkod
Kapulungan: Humayo tayo at patuloy na maglingkod sa sambayanan.
Tagapanguna: Hinusgahan ni Hesus ang mga mapag – imbot na nasa kapangyarihan, ngunit binusog ang mga nagugutom.
Kapulungan: Humayo at patuloy na iproklama ang magandang balita ng kaligtasan ng ating
Pastor/Pari at Pandita: Humayo tayo na may kapayapaan na kasama natin ang Diyos.
Isabuhay natin ang mga katuruan ni Kristo at Mohammad at sumunod tayo sa kanyang yapak maging sa pag – aalay ng ating buhay. Sa ngalan ng Diyos na ating magulang, Diyos na ating kapatid, at Diyos na ating kasama.
Lahat: Amen. Amen
Tugon: “Salabungin ang Bagong Araw”
Salubungin ang bagong araw, na malinis ang diwang taglay
Taas noong tumanaw sa silangan, buksan ang dibdib mong alay
Sa dambanang gintong langit, ihayag ang pagtataling – bisig.
Dakilang apoy at buhay, kapantay mo ay kawalan
Dugo naming ang tanging alay, sa’yo o apoy ang s’yang bubuhay
Patnubay ng bagong araw, mithiin ng buong bayan.
Tumanaw sa mapulang silangan, damhin ang espiritung hated
Marangal na diwa ay kakamtin. Itatanim sa dibdib at isip
Kapag ang hininga ay pumanaw, sasalubong ang bagong araw.
Salubunginang bagong araw, na malinis ang diwang taglay
Taas noong tumanw sa silangan, buksan ang dibdib mong alay
Sa dambanang gintong langit, ihayag ang pagtataling - bisig
Diyos.
No comments:
Post a Comment